yeon's kitchen

27/01/2026

حلويات يعني شيكولاتة، كريمة، مكسرات، سكر وقرفة… إنما فاصوليا هذا ما لم نسمع به من قبل؟ 😂🍡
الفاصوليا الحمراء مش بس خضار في السلطة..دي نجمة في الحلويات الآسيوية 🍬✨.
في اليابان بيقولوا عليها (アズキ – أزوكي)، وفي الصين (小豆 – شياو دزو)، وفي كوريا اسمها "팥 – بات" ❤️. النوع ده مختلف عن الفاصوليا اللي بنزرعها عندنا… في آسيا بتكون حمراء صغيرة ولامعة، وطعمها حلو وخفيف، شبيه بمزيج خفيف بين القمح واللوز، وبيدي أي حلوى نكهة مختلفة 😋.
في كوريا، بيعملوا منها معجون ناعم يُستخدم في حلويات تقليدية زي:
호떡 – هوتوك (بانكيك محشي بمعجون الفاصوليا الحلو)
찐빵 – تشينبانغ (كعك محشي بالمعجون الأحمر)
팥소 – باتسو (معجون الفاصوليا الأحمر الحلو)
أحيانًا بيشيلوا القشرة، والمعجون بيطلع أبيض وناعم 🥰… طعمه خفيف ومختلف عن أي حلاوة تانية.
ومع الوقت، دخل المعجون في كل حاجة تقريبًا… من الوافل للكعك والبسكويت وحتى حلويات الفيوجن اللي بتجمع الشرق والغرب في طبق واحد😍.
تخيلتم أن المطبخ الآسيوي مختلف عنا للدرجة ديه 😳!
هل ممكن تجربها في يوم من الأيام ولا لأ؟ 😉✨

01/01/2026

هو اه زيادة الخير خيرين حلوة بس مش لدرجة عيدين لرأس السنة 👀😂؟
في كوريا اه ده بيحصل😄
واحد بييجي مع أول يناير (New Year’s Day – Sinjeong / 신정)،
والتاني بعده بشوية في رأس السنة القمرية (Lunar New Year – Seollal / 설날) اللي بتاخد 3 أيام كاملة 🧧
زمان، البداية كانت مرتبطة بالتقويم القمري، وكان سولال (Seollal / 설날) هو اليوم اللي الكوريين بيعتبروه أول السنة فعلًا.
بس مع محاولات التحديث، ظهر أول يناير كبداية رسمية للسنة (Sinjeong / 신정)، وده كان قرار عملي أكتر منه احتفالي، عشان الدولة كانت عايزة تقلّل الإجازات وتزوّد الإنتاج.
الاحتفال بأول يناير حديث نسبيًا، وخصوصًا للشباب في المدن الكبيرة.
في سيول (Seoul / 서울) مثلاً، بيكون فيه عد تنازلي عند منتصف الليل، ألعاب نارية، وحفلات في الأماكن العامة 🎆🕛
الناس بتتجمع مع صحابها أو عيلتها أو زملاء الشغل، وياكلوا ويشربوا ويحتفلوا بطريقة عصرية وحيوية 🥳🍹
أما سولال، فده عيد تقليدي بحتفظ بطقوسه القديمة.
الناس تسافر مسافات طويلة عشان تتجمع العيلة الكبيرة ويحتفلوا سوا👨‍👩‍👧‍👦،
ينحنوا للكبار احترامًا (Sebae / 세배) 🙇‍♀️،
ويحضّروا أكل مخصوص لتكريم الأجداد (Charye / 차례) 🍱،
وكمان حساء كعك الأرز (Tteokguk / 떡국) 🍜 كعلامة على بداية سنة جديدة.
دلوقتي، الاتنين موجودين في التقويم الكوري وكل واحد ليه معنى مختلف:
أول يناير مرتبط بالاحتفالات الحديثة والمرح مع الأصحاب،
وسولال مرتبط باللمة العائلية والطقوس والتقاليد 🧧✨
✨ نتمنى ليكم سنة مليانة خير وسعادة وحظ حلو إن شاء الله ❤️
새해 복 많이 받으세요 😌

31/12/2025

سنة كاملة من الثقة، والدعم، وأكل معمول بإيدينا وقلبنا 💖
مش مجرد أوردرات 🫣
دي تجارب، رسائل حلوة، دعم مستمر، وناس اختارت Yeon’s Kitchen تكون جزء من يومها 🤍
بنشكركم من قلبنا على ثقتكم فينا،
وإننا نكون دايمًا حريصين نقدم أفضل خدمة،
ونوصل وجبة معمول مخصوص، باهتمام وحب،
لكل شخص بنعتبره فرد من أسرتنا الكبيرة 💕
الصور دي لقطات بسيطة من أحلى أطباق عملناها السنة ديه،
وجاية من مطبخ اتبنى على الشغف قبل أي حاجة ✨
سنة جديدة بتبدأ…
ومعاها أطباق أحلى، مفاجآت أكتر، وحب ما بيخلصش 💖
قولوا لنا في الكومنتات 👇
إيه أكتر حاجة حابين نركز عليها أو نقدمها السنة الجاية؟

30/12/2025

عمرك سمعت عن آيس كريم بالذرة؟ 🍦
أو شاي الذرة؟ 🍵
أو حتى بيتزا بالذرة؟ 🍕🌽
الذرة من الخضار اللي الكوريين بيحبوها جدًا، وبيستخدموها في أكلات ومشروبات أكتر مما نتخيل.
من أشهرها:
🧀 الذرة بالجبنة (콘치즈 – Corn Cheese)
🌭 الكورن دوج بالذرة (콘도그 – Corn Dog)
🍦 آيس كريم الذرة (옥수수 아이스크림 – Corn Ice Cream)
🍵 شاي الذرة (옥수수차 – Corn Tea)
🌾 وكمان فيه نوع تاني اسمه شاي الذرة المحمصة (구운 옥수수차 – Roasted Corn Tea)
وأحيانًا بيضيفوا الذرة حتى على البيتزا 🍕
وطبعًا الذرة العادي المشوي أو على البخار ليها مكانتها، خصوصًا في الشتاء ❄️🌽
شاي الذرة بيشربوه أحيانًا كنوع من التغيير مع المياه
وكمان مع شاي الشعير (보리차 – Barley Tea)،
وبيعتبروه خفيف على المعدة وبيساعد على الهضم،
وفيه نسبة بسيطة من السكريات الطبيعية الموجودة في الذرة.
💬 قولولنا في الكومنتات:
بتحبوا الذرة ولا لأ؟
وممكن تجربوا آيس كريم الذرة أو شاي الذرة؟ 😄🌽

28/12/2025

🩵🩵

الفيديو الختامي لفعاليات عام 2025 للمركز الثقافي الكوري بمصر 🌟
https://youtu.be/tWDaPzBSbsM
🤩✨عام 2025 يحمل معنى كبير، حيث نحتفل بمرور 30 عامًا على العلاقات الدبلوماسية بين مصر وكوريا. 🇪🇬🇰🇷
وخلال هذا العام المميز، قدّم المركز الثقافي الكوري في مصر مجموعة واسعة من الفعاليات الثقافية والفنية والتعليمية التي جمعت بين التراث الكوري العريق وروح الإبداع المعاصر.

حرصنا على أن تكون فعاليات هذا العام مساحة للتبادل الثقافي الحقيقي، ولتعزيز الروابط التي نمت بين الشعبين على مدى ثلاثة عقود.
كل خطوة حققناها كانت بدعمكم ومشاركتكم المستمرة.

نشكركم على كونكم جزءًا من رحلتنا، ونتطلع إلى المزيد من السنوات المليئة بالتعاون، والإبداع، وقصص النجاح المشتركة.

🌟 2025년 주이집트한국문화원 결산영상
https://youtu.be/tWDaPzBSbsM
🤩✨2025년은 한–이집트 수교 30주년을 맞이하는 매우 뜻깊은 해였습니다. 🇪🇬🇰🇷
올해 주이집트 한국문화원은 한국의 전통과 현대 문화를 아우르는 다양한 프로그램을 통해
두 나라의 문화적 교류를 더욱 풍성하게 만들었습니다.

지난 30년간 한국과 이집트가 이어온 깊은 우정을 바탕으로,
2025년의 모든 행사들은 양국 국민이 함께 즐기고 소통할 수 있는 소중한 시간이었습니다.

여러분의 관심과 참여가 있었기에 이 모든 성과를 이루어낼 수 있었습니다.
앞으로도 더 멋진 이야기들로 함께 만들어가길 기대합니다.

27/12/2025

If you’re still wondering how to eat tofu… this is for you 👀🔥
Korean-style Mapo Tofu 🌶️
A comforting, flavorful dish and a perfect vegan tofu recipe 🌱
Great choice if you’re looking for easy comfort food ideas that actually taste amazing 😍
#كوريا #سبايسي #توفو #كوري

22/12/2025

تمن وصفات كورية لمواجهة الشتاء وهتتفاجئوا إنها شبهنا في حاجات كتير! 🇰🇷❤️🇪🇬 السر في الطب الكوري الشعبي (هانبانج Hanbang)، اللي بيعتمد على الأعشاب، الجذور، والفواكه لدعم الجسم والراحة الطبيعية 🌿❄️
شوربة الدجاج سامغيتانغ (Samgyetang) 🥣
شوربة دجاج مع الأرز، الجينسنغ، الثوم والتمر الأحمر بياكلوها صيف وشتاء لفوائدها في كل الفصول، ومريحة جدًا على المعدة، اتكلمنا عنها في بوست لوحده قبل كده🥰
*عصيدة الأرز جوك (Juk) 🍚*
عصيدة أرز مسلوق طري وخفيف على الحلق، غالبًا مع خضار مقطعة صغيرة مثل الجزر والمشروم، ودجاج مسلوق. النكهة بسيطة: زيت السمسم والملح فقط. أقرب حاجة ليه عندنا الكشك المصري، الفرق إنه أخف وأقل دسم، بينما الكشك غني بالدسم وعلى وجهه بصل مقلي، لكنه قريب في القوام.
*شوربة براعم الفاصوليا (Kongnamul Guk 🌱)*
خفيفة، تساعد على تنظيف المعدة والكبد حسب المعتقد التقليدي، وبتقدّم كجزء من الوجبات الدافئة للراحة في الشتاء.
*شوربة الأعشاب البحرية (Miyeok Guk 🌿)*
غنية بالمعادن، الأمهات الكوريات بياكلوها بعد الولادة، وكمان بيقدموها للأطفال كل عيد ميلاد كرمز للصحة والعمر الطويل، وقوام الاعشاب قريب السبانخ و النكهة مالحة شوية مع طعم المأكولات البحرية الخفيف
*شاي العسل (Kkul-Cha 🐝)*
مياه ساخنة مع عسل، أحيانًا زنجبيل أو ليمون، يهدي الحلق ويقوي المناعة✔️
*شاي الكمثرى*
*(Baesuk 🍐)*
مشروب دافئ من الكمثرى المطبوخة مع العسل والزنجبيل لتخفيف الكحة وآلام الحلق.
*شاي اليوجا (Yuja-cha 🍋):* من فاكهة اليوجا القريبة من اليوسفي، غنية بفيتامين C، وطعمه حمضي منعش. فكرة ممتعة: الفواكه ممكن تتحول لشاي دافئ يساعد الجسم على مواجهة البرد بشكل طبيعي.
*الجينسنغ (Ginseng 🌱)*
معروف بتقوية الطاقة والمناعة، ويساعد الجسم على مقاومة التعب والبرد.
في المقابل، عندنا في مصر الشاي الطبيعي معتمد على الأعشاب زي الشمر، اليانسون، الكراوية، التيليو، المرمرية، الكاموميل ولبان الدكر، وكلها مشروبات تساعد الجسم على التدفئة ومواجهة أعراض البرد.
✨ تخيلت قبل كده أن الفاكهة ممكن تتحول لشاي؟ ولا أنها ممكن تساعدك في علاج البرد؟ تحبوا نجرب وصفات الشاي الكوري معاكم؟ 🌿🍐🍋☕️ شاركونا في الكومنتات😍
#طبيعة #طبيعية #صحة #صحةومعلومة #أعشاب #مشروبات #للبرد #الشتاء #شوربة #فاكهة #كوريا #كوري #كورياالجنوبية #وصفاتطبيعية #وصفات

08/12/2025

Warm, slurpy, and ready in minutes — this Korean-Chinese style noodle soup is the perfect cozy meal for any day. 🍜💛
Simple steps, minimal ingredients, and all the comforting flavors you need in one bowl.
This is absolutely one of the hearty soup recipes you will love — easy, quick, and full of flavor.
Perfect for anyone who enjoys Korean dishes, Chinese dishes, fast cooking meals, or simple Asian comfort food.
Let me know if you want more easy, cozy recipes like this! ✨

22/11/2025

تجربتي مع آخر أنواع نودلز مصرية انتشرت في السوق ومقارنة الأنواع ببعض والترتيب من الأفضل للأقل✅🫣
كيلوجز نودلز المقلية تحفة فنية 10/10 توابل وصويا صوص مسكر وسبايسي حلوة جدا عن اندومي البيضاء نفس النوع بس بحبها برضو وديه ممكن نعتبرها تغيير ولو حد مبيحبش اسبايسي هتناسبه
اندومي خضار الأفضل طبعاً لكن نكهتها حادقة شوية بس المفضلة في كل الوصفات 😍
الفراخ واللحمة نكهتهم ضعيفة جدا فيها بس ساعات بعمل ميكس بين النوعين عشان متكونش حادقة✅
جربت كيلوجز خضار جديدة اسبياسي بس كانت صعبة جدا لكن نكهة الخضار تحفة😍🥲
كيلوجز اسبياسي مش حلوة بالنسبالي الشطة بتاعتهم عموماً بتحرق جدا 🙃لكن من غير نكهة
كيلوجز خضار وفراخ ولحمة كويسين بس كنت بحب نكهاتهم أول ما نزلوا بس😊
نودلز يودلز لطيفة بس النكهة ضعيفة والنودلز نفسها عادية🤚
بس كده.. جربتوا ايه منهم وتتفقوا معايا في أنواع ايه منهم؟ 🫣🌚
لو عندكم اقتراحات لأنواع تانية اجربها شاركونا في الكومنتات👏🏻
#نودلز #اندومي #كيلوجز #سبايسي #تجربتي #ريفيو #ريفيوهات #تقييمات #تقييم

12/09/2025

كتير مننا لسه متخيل إن الزراعة والأكل حاجة "تقليدية" مالهاش علاقة بالتكنولوجيا… لكن الحقيقة إن كوريا والعالم كله دلوقتي بيشوف العكس 🚀 تحديداً اليابان والصين.

🌱 Ag-tech:
استخدام الذكاء الاصطناعي، وأجهزة الاستشعار، والزراعة العمودية، وحتى الطيارات بدون طيار علشان نزود الإنتاج ونحافظ على الموارد.

🍜 Food-tech:
روبوتات في المطابخ والمطاعم، أطعمة بديلة صديقة للبيئة زي البروتين النباتي، وتوصيل ذكي بيخلّي الأكل يوصل لك أسرع وأسهل من أي وقت فات.

الهدف مش مجرد "تجربة جديدة"، لكن كمان مواجهة تحديات عالمية زي تغيّر المناخ وزيادة السكان.

واضح أن مستقبل الأكل هيبقى مزيج بين الطرق التقليدية اللي اتعودنا عليها وتكنولوجيا بتصنع بُكرة. ✨
تفتكر ممكن التكنولوجيا ديه تتطبق في مصر؟ وايه عيوبها ومميزاتها؟ شاركوني في التعليقات 😍✅
#تكنولوجيا #تكنو #مستقبل #مستقبلنا #تطور #تطوير #اكلات #أكل #كوريا #كورياالجنوبية #اليابان

19/08/2025

مش شرط عشان تجرب الأكل الكوري في البيت تبيع كلية 😂🥹
تعالو نشوف ايه أهم المكونات في المطبخ الكوري وايه بدائلها والمنتجات المناسبة في مصر وايه مينفعش نستبدله؟ ومش لازم نجرب كله في وثت واحد
🌶 الشطة الكورية (고춧가루 – Gochugaru)
بتدي لون أحمر غني للأكل من غير ما تخليه سبايسي بشكل مبالغ فيه.
فيها درجات مختلفة من الحرارة (mild–hot).
الشطة المصري/السوداني مش هتدي نفس اللون، وكمان لو زودنا منها بيبقى الطعم حرّاق أكتر مع شوية مرارة.
كبداية ممكن نستخدم ميكس بين الشطة المصري + البابريكا، لكن دلوقتي الكوتشوكارو متوفرة بعبوات صغيرة ١٠٠ جرام) مش لازم الكميات الكبيرة الغالية
🥢 دقيق الأرز (쌀가루 – Ssalgaru)
بيدي قوام مطاطي وطعم أخف.
بيستخدم في وصفات زي التوكبوكي (떡볶이) وحلو الأرز الكوري.
الدقيق العادي مش بيدي نفس النتيجة خالص، فماينفعش نستبدله.
🍚 خليط البانكيك الحادق (부침가루 – Buchimgaru)
مكون جاهز معمول مخصوص عشان البانكيك الكوري الحادق زي الكيمتشي جيون (김치전).
البديل: دقيق أبيض + شوية نشا + ملح وتوابل بسيطة.
🍞 بانكو (パン粉 – Panko)
نوع من البقسماط الياباني، مستخدم كتير في المقليات الكورية.
بيدي قرمشة حلوة اوي وملمس جميل .
البديل: نحمص الجزء الأبيض من التوست أو العيش الفينو ونفرمه في الكبة يكون خشن شوية

🥬 الخضار (الكرنب الصيني – 배추 Baechu)
أساس في الكيمتشي وأكلات تانية.
الكرنب المصري العادي مش هينفع ، بس الكرنب الصيني طعمه أخف وورقه أطرى ويمتص التتبيلة أفضل.
🧂 الملح (소금 – Sogeum)
الكوريين بيستخدموا ملح خشن مخصوص لتخليل الكيمتشي.
ممكن نستبدله بملح بحري خشن أو ملح خشن مصري بس من غير إضافات

🍶 صوص الصويا (간장 – Gnjang) وصوص السمك (액젓 – Aekjeot)
مش لازم يكونوا كوري بالذات.
فيه أنواع صيني وتايلاندي ممتازة وسعرها مناسب.
🥢 زيت السمسم (참기름 – Chamgireum)
النكهة الأساسية في المطبخ الكوري.
الزيت المصري مش بنفس الطعم والقوة بسبب طريقة العصر.
الأنواع الآسيوية (صيني – ياباني – تايلاندي) أرخص من الكوري ونكهتها عميقة وقوية 👌
أكيد النودلز الكورية زي نودلز البطاطا المستخدمة في الجابتشي مش متوفر بديل ليها في المطبخ المصري
❓ كنت تعرف إن ممكن نستبدل المكونات ديه ونجرب الأكل الكوري بسهولة؟
تحبوا أرشحلكم المنتجات اللي جربتها بنفسي وتلاقوها فين؟
#أكلات #أكل #وصفةسهلة #كوري #مخلل #مخللات #الأرز #دقيق #توابل #بدائل #بدائل #كوريا #كورياالجنوبية #كوريان #القاهرة