ناس القرية؛ أم الجليل

17/07/2026

سلام عليكم
ناس لي راها تسقسي انا مسؤوول على ذي صفحة برك وانا لوحيد لي ننشر فيها
والحاجة لي راكم تسقسو فيا عليها ذاك يسموووه قرووب
ناس القرية ومنعرفش شكون مسؤوول عليه
راه داير انتحال صفة يعني فتح قروب ودار نفس لفوطو بروفيل لي كنت دايرو
على ديك ناس حارلها الأمر
المهم حاسبوني على منشورات لي في ذي صفحة وعندك حرية النقد وحق تدخل كي ماتعجبكش حاجة
ابار صا معندي حتى علاقة باالقروبات لخرين ماننشر فيها
والفرق بين القروب والصفحة انو القروب اي واحد ينشر
والصفحة الأدمن لي يقدر ينشر فيها ويطلع منشوراتكم
وانا عندي باجة

16/07/2026

لي ضيع 3مفاتح نتع باب لاصقين مع بعضاااهم
يتواصل معايا راهم عندي

16/07/2026

❤سيد علي ❤
(« انه ومن الصعب ان يتخطى الإنسان شيئا لامس رووحه
فالحب هو أول دواء، والرحمة أجمل وصفة، وخدمة الإنسان أسمى درجات الطب."))

15/07/2026

14/07/2026

🎓 تهنئة تخرج 🎓
بكل مشاعر الفخر والاعتزاز، نتقدم بأصدق التهاني وأطيب التبريكات إلى الأخ فاروق وابنةالعم العوفي عبد الرحمن، بمناسبة تخرجهما من المدرسة العليا للأساتذة بالأغواط.
إن هذا التخرج ليس مجرد شهادة، بل هو ثمرة سنوات من الجد والاجتهاد، وبداية لمسيرة نبيلة في ميدان التربية والتعليم، ورسالة سامية لصناعة الأجيال وبناء المستقبل.
نسأل الله تعالى أن يبارك لكما هذا الإنجاز، وأن يوفقكما في حياتكما المهنية، وأن يجعل ما تعلمتماه نورًا تهتديان به، وعلمًا نافعًا ينتفع به الوطن والأمة.
هنيئًا لأم الجليل بأبنائها ونخبتها، وهنيئًا لها بشبابها الذين يرفعون راية العلم عاليًا، ويثبتون أن التميز هو عنوان أبنائها. 💪
ألف ألف مبارك، مع خالص الأمنيات بمزيد من النجاحات والتألق والارتقاء. 🌹🎓

14/07/2026

إلى الأستاذ الفاضل الأب الحنين وصاحب القلب الكبير الشيخ وقدوة تاعنا محمد زروقي
بإسمي وباسم كامل تلاميذ لي قراو عندك ​راني نكتبلك هاد العبارات والقلب معمر بالامتنان والتقديرليك و لقلبك الكريم علابالي بلي العبارات تع دنيا قاع ما تكفيش باش توفيك حقك وباش تعبر على البلاصة الكبيرة اللي عندك في قلوبنا
​أستاذي العزيز حصة السبور معاك عمرها ما كانت مجرد جري ولعب بصح كانت المتنفس اللي نلقاو فيه راحتنا وننساو فيه تعب القراية وحتى برا القراية والضغط. ما تعلمناش منك برك كيفاش نلعبو بصح تعلمنا منك كيفاش نكونو رجال كيفاش نوقفو بعد كل طيحة وكيفاش نواجهو الحاجة الصعيبة بالصبر والإرادة والروح الرياضية
​كنت لينا الأب الحنين اللي يحس بينا بلا ما نهدرو يطبطب على كتافنا بكلمة حنينة ويرجع فينا الأمل كنت الصاحب الصادق والراجل الزيين اللي يساندنا ويقف معانا دايما ويخاف علينا دون مقابل عمرك ما بخلت علينا بنصيحة و ابتسامتك الدافئة الي عمرها ما فارقت وجهك كنت دايمن تمدلنا طاقة إيجابية تخلينا نحبوا الحصة ونستناو غير وقاش تلحق باش نلتقاو بيك وبقلبك الابيض
ألف شكر ليك من أعماق القلب على كل دقيقة وقفتها معانا على كل تشجيع وعلى كل تضحية شكراً لأنك راك خليت أثر جميل فينا وفي حياتنا مستحيل يمحيه الوقت وراح يبقى محفور في عقولنا ديما
​ندعو ربي سبحانو يدوم عليك صحتك وعافيتك ويبارك في عمرك ويعطيك ما تتمنى ربي يجازيك علينا كل خير ويجعل كل حرف وكل نصيحة وكل معروف درتو معانا بلا حتى مقابل في ميزان حسناتك ورفعة لمقامك ربي يرزقك خير نصيب لي يعطيه لعبدو
​رح تبقى ديما القدوة والشيخ الغالي اللي نتشرفو بيه وين ما نروحو ونتشرفو انا كنا محظوظيين كي قرينا عندك وانا اولهم
فنقلك ​دمت لنا أبا وصديقا وأستاذا نعتز به دائماً كنت قادر ندخل للشات ونرسل ميساج احسن من هذا بصح مكانتك متسمحش ان شاء الله هذا لميساج يكون يعبر و يرد غير شويا من لخيير لي درتو فينا ان شاء تكون فخور بينا صح مكانش لمعدل لي كنت حاب نفرحكم بيه بصح الحمد لله على كل حال
تلميذك وبالاحرى ابنك الممتن ليك طول العمر [يوسف]

13/07/2026

بسم الله الرحمان الرحيم
وبكل مشاعر الفخر والاعتزاز، نرفع أسمى آيات التهنئة والتبريك إلى الأستاذ فاروق زايدي، بمناسبة تخرجه المبارك والتحاقه برسالة التعليم، في مشهدٍ يحمل أسمى معاني الوفاء واستمرار العطاء، إذ يتشرف بخلافة والده الأستاذ القدير زايدي عبد القادر، الذي أنهى مسيرة مهنية زاخرة بالعطاء والإخلاص بعد سنوات طويلة أفناها في تعليم الأجيال وتربية النشء.
إنها لحظة استثنائية يلتقي فيها ختام مسيرة مشرّفة ببداية مسيرة واعدة؛ فها هو الأب يسلّم مشعل العلم لابنه، بعد أن أدى رسالته بكل أمانة واقتدار، ليواصل الابن الطريق نفسه، مستلهماً من والده القيم النبيلة، والإخلاص في العمل، وحب العلم، وخدمة الوطن.
فألف مبارك للأستاذ فاروق زايدي هذا النجاح والتخرج المبارك، ونسأل الله تعالى أن يوفقه في أداء رسالته السامية، وأن يجعله خير خلفٍ لخير سلف، وأن يبارك له في علمه وعمله، وينفع به الأجيال القادمة.
كما نتقدم بخالص عبارات الشكر والتقدير للأستاذ زايدي عبد القادر، على كل ما قدمه طوال سنوات خدمته من جهد وتفانٍ وإخلاص، سائلين المولى عز وجل أن يجعل ذلك في ميزان حسناته، وأن يرزقه دوام الصحة والعافية، وأن يجعل تقاعده بداية مرحلة مليئة بالطمأنينة والسعادة بين أسرته وأحبته.
هنيئًا لعائلة زايدي بهذا المشهد المشرّف، وهنيئًا للتعليم برجالٍ يحملون رسالته جيلاً بعد جيل، لتبقى شعلة العلم متقدة، وينتقل المجد من الأب إلى الابن في أجمل صور الوفاء والاستمرارية.
ألف ألف مبارك، ووفقكما الله لكل خير، وجعل العلم رسالةً تتوارثها الأجيال، وخدمةً للوطن والمجتمع.

13/07/2026

الف مبروك