Was ist die Webseite?

https://www.facebook.com/481103508429156/

Hof Niederberg

Startseite
Schweiz
Wattwil
Hof Niederberg

Ich wett eu, Eusi Liedeschaft zu dä Landwirtschaft + Eusne Tier nöcher bringe und vo eusne Produkt überzüge.

Eus, Eusi Tier, dä Hof, d'Natur + d'Arbet wird ich i passende Ordner vorstelle. Da mir im Ufbou sind,sind gspannt und hännd chli Geduld mit mir😜

03/05/2026

🥳

10/04/2026

🥚 Frischi Hofeier vom Niederberg – bald wieder da! 🐔

Hüt isch en bsundrige Tag bi eus uf em Hof:
Euse neu mobil Hüehnerstall chunnt! 🥳

I öppe 2 Wuche zieht eusi Hüehnerschar ii –🐔
und denn git’s wieder täglich frischi Eier direkt vom Hof.

Was eusi Eier bsunders macht:

🌿 täglich frischi Wiese
🐔 viel Platz und e ruigi Haltig
🥚 täglich frisch gsammelt
🏔 us eusem Berggebiet Niederberg

👉 Mir gönd bewusst en andere Wäg:

Statt 80 mögliche Hüehner
hend mir nur rund 35 Hüehner

Das heisst für jedes einzelni Tier:
✔ ü 21 m² Platz pro 🐔 statt vorgschriebe 2.5m2
Freiland 🌱
✔ meh Ruäh
✔ gsünderi Tier
✔ besseri Eier

💛 Eusi Überzügig:
Weniger Hüehner = meh Ruäh = besseri Eier

Neu: Eier-Abo

Damit du immer sicher Eier häsch:

📦 jede Wuche dini Eier reserviert
🥚 6er / 10er /natürli au grösseri Mengi möglich
Frisch und direkt zu dir in Briefchaste/ ad Tür

Eier git’s natürli au no im freie Verchauf – solang Vorrat.

Bi Interesse chasch dich gern jetzt scho melde.

Mir freued eus riesig uf eusi neu Hüehnerschar! 🐔🥚

Hof Niederberg
Niederberg 153
[email protected]
www.hofniederberg.ch

05/04/2026

🐣 So gseht Oschtere uf eme echte Buurehof us 🐔🥚

I de Nacht vor Oschtere isch es still gsi uf em Hof. Zwüschet de Ställ lieht no es bitzli Schnee. Nur d'Hüehner hend liislig graschlet.
Plötzlich het me Schritt ghört.
Vor em Schweinestall isch en chliine, müede Oschterhas🐇 ghockt.
"Ach nei… usgrächnet hüt han ich mich verlaufe," het er gseit. "Und morn isch scho Oschtere."
Us em Stroh het öpper gschnuufet.
Es isch de Baio gsi, de gross schwarz Eber.
"Wer bi üs Hilf bruucht, überchunnt sie," het er ruhig gseit. "Was isch los?"
De Oschterhas het verzellt: "Ich muess no so viel Eier verstecke, aber ich finde de richtig Hof nüm."
Dä Baio grunzt: "Denn bisch genau richtig. Bi eus hilft jede mit."
D'Kira die gross Hofhündin isch au dezue cho.
"Ich känn jede Egge vom Hof. Ich zeig dir wo d'Chind morn sueched."
De Kenai no en Jungspunt isch ume gsprunge: "Ich cha teste öb dini Versteck au guet sind!"
Im Chuestall het d'Mirella ruhig gmuht: "Oschtere heisst Geduld ha. Alles chunnt zur richtige Ziit."
D'Begonia het ergänzt: "Und öpper muess eifach afange z'hälfe."
Um dä Egge lueged au d'Chälbli Bellinda, Fiona und Bianca:
"Mir passed uf dass niemert z'früeh öppis findet!"
Bi de Hüehner isch grad es Gacker losgange:
"Mir hend doch d'Eier!" hend sie gseit.
So het jede uf sini Art ghulfe.
D'Kira het dä Wäg zeigt.
Dä Kenai het d'Versteck testet.
Dä Baio het ufpasst.
D'Chüeh hend für Rueh gsorgt.
D'Chälbli hend Wach ghalte.
Und d'Hüehner hend d'Eier gleit.
Am Schluss het dä Oschterhas gfrögt:
"Warum hälfed ihr mir alli?"
De Baio het gseit:
"Will bi eus uf em Hof jede wichtig isch."
D'Mirella het gnickt: "Und will mir zäme ghöred."

Bevor dä Oschterhas wiiter isch, hät er gseit:
"Da chum ich wieder. Will ich weiss – da luegt me für enand."

Am Morge, zwüschet Stallarbeit und Zmorge, sind eusi Chind use cho zum Sueche.
Es paar Eier sind schnell gfunde worde.
Es paar hännd Geduld bruucht.
Und es paar hät mer nur gfunde, will öpper ganz genau gluegt hät.
Genau wie im richtige Läbe.

Oschtere erinnert eus jedes Jahr dra:
Uf eme Hof macht nöd eine alles!
Aber alli zäme – Tier und Mänsch – macht's zu dem Ort wo mir Dihei sind.

🌿 👩‍🌾👨‍🌾 Zäme schaffe
🥚🥛🥩🍯 Frischi Produkt
❤️ 👪👧👦 Läbe als Familie mit eusne Tier
🐄🐮🐷🐔🐓🐶🐕🐈

Mir wünsched eu vo Härze ❤️ frohi Oschtere.
Familie Bühler

www.hofniederberg.chinfo@hofniederberg.ch

25/03/2026

www.hofniederberg.ch
[email protected]

20/03/2026

🐖 Duroc Schwein vom Niederberg

Unsere Schweine wachsen langsam auf, mit viel Platz, Ruhe und Zeit.
Das sorgt für besonders aromatisches und zartes Fleisch.

Jetzt verfügbar:

🐷 Mostbröckli → CHF 8 /100g
🐷 Hinterschinken → CHF 20 /500g
🐷 Buurebratwurst → CHF 6.50 / Paar
🔥 Grillschüblig → CHF 8 / Paar
🍎 Apfel-Buureschüblig → CHF 8 / Paar

Direkt vom Bauernhof – ehrlich produziert.

Reservation gerne per WhatsApp 📩 Facebook
Oder www.hofniederberg.ch

14/03/2026

Happy Birthday
Hüt isch eusi Mirella 17ni worde🥳🎂

02/03/2026

Juhuu euse Baio isch us dä Ferie zrug...😍

22/02/2026

🐔Bald frische Freilandeier vom Hof Niederberg🥚

Auf unserem Hof zieht bald eine kleine Hühnerschar in den mobilen Stall ein.

Unsere Hühner leben mit viel Auslauf auf der Weide, kommen täglich ins frische Gras und dürfen einfach Huhn sein.

Da wir bewusst klein starten, gibt es nur eine begrenzte Anzahl Eierabos.

👉 Jetzt Warteliste fürs Niederberg Eierabo

🥚 wöchentlich frische Freilandeier
🌱 direkt vom Hof in Krinau zu Ihnen nach Hause (Krinau-Lichtensteig-Wattwil-Dietfurt-Bütschwil...)
🐔 aus mobiler Freilandhaltung

Wer gerne regelmässig Hofeier beziehen möchte, darf sich unverbindlich bei uns melden.

📩 Eine Nachricht genügt — wir setzen euch gerne auf die Warteliste.

Herzliche Grüsse
Familie Bühler
Hof Niederberg

05/02/2026

Vorderschinke
Ufgschnitte 200gr 2.20/100gr
" " " 400gr 2.10/100gr
Am Stück 500gr. 1.80/ 100gr

03/02/2026

Mir hätted ab sofort wieder 5 freii Ufzuchts- Chalberplätz, au mit Milch 🐮🐂
120.-/Monet
Krinau bi Wattwil( SG)
Mischwagefüetterig , Weideraus
Für meh Frage eifach melde

Adresse

Wattwil
9622

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Hof Niederberg erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.