11/07/2026
پاکستان کرکٹ ٹیم کے سابق کپتان شاہد آفریدی نے افغانستان کی قومی کرکٹ ٹیم کے سابق فاسٹ بولر شاپور زدران کے انتقال پرگہرے دکھ کا اظہار کرتے ہوئے پشتو زبان میں پوسٹ شیئر کی۔
جس میں لکھا کہ ’’ موت تو ہر کسی کو آنی ہے، مگر پشتون کی غیرت کبھی نہیں مرتی۔
موت صرف جسم کو ختم کرتی ہے، لیکن پشتونولی (پشتون روایات و اقدار) ہمیشہ زندہ رہتی ہے۔"
شاہد آفریدی کا مزید کہنا تھا کہ ’’آپ ہمیشہ ہمارے دلوں اور روحوں میں زندہ رہیں گے۔ اللہ تعالیٰ آپ پر اپنی بے پایاں رحمت نازل فرمائے، آپ کی مغفرت فرمائے، اور جنت الفردوس میں اعلیٰ ترین مقام عطا فرمائے۔ آمین۔
یاد ر ہے کہ شاپور زدران طویل علالت کے بعد منگل کے روز نئی دہلی کے ایک اسپتال میں 38 برس کی عمر میں انتقال کر گئے تھے۔
شاپور زدران کینسر کے مرض میں مبتلا تھے اور بھارت کے مقامی اسپتال میں زیر علاج تھے۔ افغانستان کے متعدد کھلاڑی بھارتی اسپتال میں شاپور زدران کی عیادت کے لیے جاتے رہے۔
شاپور زدران نے 44 ون ڈے، 36 ٹی ٹونٹی انٹرنیشنل میچز میں افغانستان کی نمائندگی کی۔
طارق علی عیان